لأجلك يابهية المساكن ..يازهرة المدائن ..

.....





القدس الشريفه


لأجلك يا مدينة الصلاة أصلي
لأجلك يا بهية المساكن يا زهرة المدائن
يا قدس يا قدس يا مدينة الصلاة اصلي
عيوننا إليك ترحل كل يوم
تدور في أروقة المعابد
تعانق الكنائس القديمة
و تمسح الحزن عن المساجد
يا ليلة الأسراء يا درب من مروا إلى السماء
عيوننا إليك ترحل كل يوم و انني أصلي
الطفل في المغارة و أمه مريم وجهان يبكيان
لأجل من تشردوا
لأجل أطفال بلا منازل
لأجل من دافع و أستشهد في المداخل
و أستشهد السلام في وطن السلام
و سقط الحق على المداخل
حين هوت مدينة القدس
تراجع الحب و في قلوب الدنيا أستوطنت الحرب
الطفل في المغارة و أمه مريم وجهان يبكيان و أنني أصلي
الغضب الساطع آتٍ و أنا كلي ايمان
الغضب الساطع آتٍ سأمر على الأحزان
من كل طريق آتٍ بجياد الرهبة آتٍ
و كوجه الله الغامر آتٍ آتٍ آتٍ
لن يقفل باب مدينتنا فأنا ذاهبة لأصلي
سأدق غلى الأبواب و سأفتحها الأبواب
و ستغسل يا نهر الأردن وجهي بمياه قدسية
و ستمحو يا نهر الأردن أثار القدم الهمجية
الغضب الساطع آتٍ بجياد الرهبة آتٍ
و سيهزم وجه القوة
البيت لنا و القدس لنا
و بأيدينا سنعيد بهاء القدس
بايدينا للقدس سلام

Fulla ..

Hi :)

أبارك لهويدا على البسه الجديده الأموره فله ,,وعمرها 3 شهور ياناسو عليها ..

وطبعاً إنبسطت كثير لويدا لإن البنت هذي مهووسة بسس لول ..وأفتكر بالكليه

كان عندنا بسه معاها لحسه بمخها ومسببه لنا رعب وتقعد طول الوقت جنبنا

وتآذينا وتطلع لنا أصوات وتخربش أحياناً ..أكيد يابنات تتذكروها البسه اللي

دايم حامل ههههه ..........

عاد ويدا الوحيده اللي كانت حانه عليها وقلبها متقطع وتحطلها أكل وتشتريها

أحياناً سندويتش دجاج لول شايفين كيف الحنيه ..هههههه وكانت بتتبناها

بشكل رسمي الظاهر بس الحمد لله أتخرجنا ..وهويدا مازال معاها هاجس

القطط هههههههه والحمد لله جاتها فله بالسلامه ..على الأقل بسه عاقله

ومتربيه ومعاها شهادة ميلاد مو بسة شوارع وداشره زي هذيكااا ..

كل مارجعنا من إجازه لقيناها تتبطح وتتسدح وحامل هههههههههه

الله تذكرت أيام الكليه :$ :$

تتربى بعزك ياويداا :)

Much Love

Shadawi

The Nicest thing EVER

What I hate about MSN Messenger !!

يالله لو أعد مشاكلي مع الماسنجر لاتنتهي ..بما إني بالأصل لست من محبين الماسنجر ولا هواته
لكن قلبي يحن لصديقاتي وأحب أشوف أخبارهم بين فتره وفتره وأسلم ليهم ..والبعض غسل
يده مني خير شر ويحسبوني مبلكتهم ..وأقسم بالله إني ماأبلك أحد لكن قليلة الدخول للمسن ..
مجرد أدخل لساعات محدوده أسلم ع الموجودين وأسولف وأطمن..
ومع عشرة طويلة مع الإنترنت وعالمه ..أكثر شيئين يسرقوا الوقت هما الماسنجر والمنتديات =(
فالعشرة الطويله مع أصدقاء الإنترنت الوهميين تنتهي بمجرد تسجيل الخروج ..وبعد كم سنه
نندم على الساعات الطوال التي ذهبت هباءاً منثوراً وبغير فائدة سوا دق حنك مع أغراب..
لذلك أحمد ربي على نعمة القناعة من صديقات الأنترنت ..وصديقاتي اللي بالماسنجير هم
نفسهم صديقاتي بالواقع ..أتواصل معهم وأنا عارفتهم Already ومعزتهم بقلبي وأموت فيهم ..
وبما إن هذه الأيام أحاول أدخل وأشوف البنات وأتفق معاهم على لمة يوم الخميس اللي تأجلت ..
صاير يعلق ويتنح أول ماافتحه وجنني ياربي ..أتمنى البرنت يوضح المشكلة ويارب تنحل..
وبحاول أغير عادتي وأجلس عليه أكثر وأنام عليه ولو رحت الحمام كتبت برب لول ..
وعلى فكره في أحد يقعد بالنت بالساعات ومايفتح إلا ماسنجر بس ؟! ويمكن تمرض
لو خرب جهازها عشان مادخلت مسن هذي بيان أختي هههههه عكسي بالتمام .

جوي الان MGMT "electric feel"



ياصباح الروقان معاهم ..

Much love

Shadawi

Happy Birthday Sheri :)

Hi :)

اليوم كان عيد ميلاد شيري ..كل سنه وإنتي بألف خير ..وربي يحقق لك كل أحلامك وأمنياتك ويسعدك :)

عزمتنا أنا وداري من قبلها بفتره ..وبما إنه بنصف الإسبوع ماكان فيه أحد إلا إحنا الثلاثه بس ...

أحسن فكه من المبزره :q بتول وبيان وروبي ههههههههه خليكم بدورسكم أحسن لوول ..

والصراحه غيرنا جو وإنبسطنا كثير ..وخالتو جابت بوكيه وهديه لشيري وحضنتها وقعدت تدعيلهاا ..

وكان منظر مؤثر مره :$ ربي يخليهم لبعض وخصوصاً وهي تبوس يد خالتي وراسهاا :$ ..

طبعاً الأهم إنو طفحنا لين ماقلنا بس (همها الأكل دايم لول) وندور شي نرقص عليه التي في ماكان

فيه شي صاحي ..وكل شوي نحط على قناه ونتريق على المغني ونحش فيه هههههههه ..

وبعدها شيري جابت نيسكافتها المشهوره ..وكانت دسمه مره ولذيذه ..

مع أني مااحب النسكافيه بس شربت أكيد منها وبعدها قلت لها يلا

هاتيلي بيبسي عشان أقدر آكل التورته .يميي

كان يوم حلو ..شكراً شيري ..
ولمن رجعت البيت لقيت إن خالي ومرت خالي كانو عندنا وجايبن صحن حلا وحركات .
وإنقهرت إنو المجالس الحلوه والفله مره وحده تجي لول ..

Much love

Shadawi

Finally !!!

مساء الخير ..

يالله المدونه هذي سويتها عام 2006 ومافكرت أكتب فيها إلا اليوم :)
لإني محتاجه مكان أشخبط فيه وأكتب أي شي ..
الملاقيف الحلوين اللي يمرو على المواضيع أتمنى تتركو تعليق ..
هذا إن لقيتو حاجه تعلقو عليها ..
وخاصة إني دحين شبه فاضيه أتخرجت بسلامتي من الكلية والحمد لله
وراح أحاول أكتب عن الأشياء اللي أحبها وماتحبني لول ..
وودي أكتب مذكرات لإني كل ماكتبت شي باللابتوب تفرمت
يعني من كل بحر قطره لإني إنسانه ملونه جداً
وإهتماماتي كثيره لول

hey every one :)
i created this blog since 2006 oh cant believe that ..
finally i have time to write something
since I graduated from college at fashion design
i think i really have a lot of time to spent online
hope you liked my blog..and if you see something worth
leave your comment pleas ..
I appreciate that every one come over here :)



دمتم برعاية الله ..

شوشو =)